लोसपा नेपालको पिपरा गाउँपालिकामा वडा नं. १ को अधिवेशन सम्पन्न, २१ सदस्यीय समिति गठन

महोत्तरी– लोकतान्त्रिक सामाजवादी पार्टी (लोसपा) नेपालको पिपरा गाउँपालिका कार्यसमितिले वडा अधिवेशन कार्यक्रमअन्तर्गत वडा नं. १ एकरहिया, खैरबा, गम्हरीया, ढेकहा गाउँको अधिवेशन सम्पन्न गरेको छ। प्रवेक्षक विरेन्द्र रायको उपस्थितिमा सम्पन्न भएको अधिवेशन वडा अध्यक्ष किशोरी महतोको अध्यक्षतामा भएको थियो।

अधिवेशनमा लोसपाका केन्द्रीय सचिवद्वय रमन कुमार ठाकुर र अजय झा प्रमुख अतिथिका रूपमा उपस्थित थिए। त्यस्तै, केन्द्रीय सदस्यद्वय सत्या देवी महरा र रामकली देवी महतो, मधेश प्रदेश समिति सदस्य अमित कुमार पाण्डेय, जिल्ला युवा अध्यक्ष सुशील महतो, पिपरा गाउँपालिका अध्यक्ष विनित पाण्डेय, पूर्वगाउँपालिका अध्यक्ष तथा लोसपा नेता बिक्रम चौधरी, पालिका नेताद्वय रामविनोद ठाकुर र रामजानकी पासवानलगायत विभिन्न नेताहरूको सहभागिता रहेको थियो।

लोसपाको महाअधिवेशन निर्देशिका २०८१ को दफा १ र २ अनुसार किशोरी महतोको नेतृत्वमा वडा नं. १ को २१ सदस्यीय समिति सर्वसम्मत रूपमा चयन गरिएको छ। साथै, निर्देशिकाको दफा २ (ङ) बमोजिम पालिका अधिवेशनका लागि वडाबाट १६ जना प्रतिनिधि पनि सर्वसम्मत चयन भएका छन्।

कार्यक्रममा सहभागी नेताहरूले नवगठित समितिलाई बधाई दिँदै लोसपाको सङ्गठन विस्तार र मधेश प्रदेशको विकासमा सक्रिय भूमिका निर्वाह गर्न आह्वान गरे। पालिका अध्यक्ष विनित पाण्डेयले नवनिर्वाचित समितिका पदाधिकारी र सदस्यहरूलाई सफल कार्यकालका लागि शुभकामना व्यक्त गरे। “यो अधिवेशनले हाम्रो पार्टीको आधारलाई थप सुदृढ बनाएको छ। नवगठित समितिले स्थानीय स्तरमा जनताको मुद्दालाई प्रभावकारी रूपमा उठाउनेछ,” उनले भने।

अधिवेशनमा वडाका सम्पूर्ण सदस्यहरूको सक्रिय सहभागिता रहेको र सर्वसम्मतिबाट नेतृत्व चयन हुनुले पार्टीभित्र एकताको सन्देश गएको लोसपा नेताहरूको भनाइ छ। यो अधिवेशन पिपरा गाउँपालिकामा लोसपाको सङ्गठनात्मक गतिविधिलाई तीव्रता दिने महत्त्वपूर्ण कदमका रूपमा हेरिएको छ।
लोसपा नेपाल पिपरा परिवारले नवगठित समितिलाई स्थानीय समस्याहरूको समाधान र पार्टीको नीति कार्यान्वयनमा प्रभावकारी भूमिका खेल्न प्रेरित गरेको छ। आगामी पालिका अधिवेशनका लागि तयारी तीव्र पार्ने योजनासहित लोसपाले मधेश प्रदेशमा आफ्नो प्रभाव विस्तार गर्ने रणनीति अघि सारेको छ।

“हामी जनताको विश्वास जितेर मधेशको समृद्धिका लागि अघि बढ्नेछौँ। यो अधिवेशन त्यसैको आधार हो,” पालिका अध्यक्ष पाण्डेयले भने। लोसपाले आगामी दिनमा अन्य वडाहरूमा पनि यस्तै अधिवेशनहरू आयोजना गरी सङ्गठनलाई थप मजबुत बनाउने योजना बनाएको छ।
(विनित पाण्डेय, अध्यक्ष, पालिका कार्यसमिति, पिपरा, महोत्तरी, मधेश प्रदेश)