पक्राउअघि राजेन्द्र लिङ्देन– सरकार जनताबाट झन्–झन् टाढा भयो, नजिकै गएर सुनौँ भनेर निषेधित क्षेत्रमा आयौँ

काठमाडौं । राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले सरकार जनताबाट झन्–झन् टाढा बन्दै गएपछि नजिकै पुगेर सुनौँ भन्ने उद्देश्यले निषेधित क्षेत्रमा प्रदर्शन आयोजना गरिएको बताएका छन् ।

सिंहदरबारबाट प्रहरीले पक्राउ गर्नुअघि सञ्चारकर्मीलाई प्रतिक्रिया दिँदै उनले भने, ‘यो सरकारले मानिसको बोल्न पाउने, लेख्न पाउने, प्रदर्शन गर्न पाउने अधिकारलाई खुम्च्याउँदै लगेको छ । र, जनताबाट सरकार झन्–झन् टाढा हुँदै जाने अवस्था सिर्जना गरेको छ । अनि, सरकारको नजिकै गएर प्रदर्शन गरौँ र सुनौँ भनेर हामीले प्रतीकात्मक रूपमा यो कार्यक्रमको आयोजना गरेका हौँ ।’

सिंहदरबारबाट गरिएको आन्दोलन चाहिँ सरकारले सुन्ला त भन्ने सञ्चारकर्मीको जिज्ञासामा अध्यक्ष लिङ्देनले थपे, ‘सुन्नुपर्छ, देश–दुनियाँले सुन्छ, मानव अधिकारवादी सङ्घसंस्थाहरूले सुन्छन् । यी सबैलाई ध्यानाकर्षित गराउन हामीले यो कार्यक्रमको आयोजना गरेका हौँ ।’

आफूहरूलाई आन्दोलनस्थलसम्म जान नदिइएको भन्दै सिंहदरबारभित्रै प्रदर्शनमा उत्रिएपछि प्रहरीले लिङ्देनसहितका नेताहरूलाई पक्राउ गरेको छ ।

आजको प्रमुख राजनिति खबर

सुनसरीमा बस र विङ्गर ठोक्किँदा ४ जनाको मृत्यु, २३ जना घाइते, नामावली सहित ९ दिनपछि भेटियो त्रिशूलीमा खसेका रोहितको शव सुगौली सन्धि र तराईका मूल निवासी सत्ता गठबन्धनमा बसेर बलियो राजनैतिक शक्ति बन्न सक्ला रास्वपा? प्रश्नहरूको घेरामा रास्वपा !