ताजा अपडेट
काठमाडौं : सरकारले नेपाल प्रहरीको नेतृत्व परिवर्तन गर्दै अतिरिक्त प्रहरी महानिरीक्षक (एआईजी) मनोज केसीलाई प्रहरी महानिरीक्षक (आईजीपी) नियुक्त गर्ने निर्णय गरेको छ ।
बुधबार बसेको मन्त्रिपरिषद् बैठकले केसीलाई नेपाल प्रहरीको सर्वोच्च नेतृत्वको जिम्मेवारी सुम्पिने निर्णय गरेको हो । उनी यसअघि अपराध अनुसन्धान विभाग प्रमुखका रूपमा कार्यरत थिए ।
यसैबीच, वर्तमान प्रहरी महानिरीक्षक दानबहादुर कार्कीलाई प्रधानमन्त्रीको विशेष सुरक्षा सल्लाहकार नियुक्त गर्ने निर्णयसमेत भएको मन्त्रिपरिषद् स्रोतले जनाएको छ ।
