ताजा अपडेट
दार्चुलाको नौगाड गाउँपालिका–५ सौकेबगर नजिक अटो खोलामा खस्दा एक जनाको मृत्यु भएको छ भने दुई जना बेपत्ता भएका छन्।
सोमबार दिउँसो साढे १ बजे म १ ह ११४८ नम्बरको अटो अनियन्त्रित भई करिब ५० मिटर तल नौगाड खोलामा खसेको जिल्ला प्रहरी कार्यालय दार्चुलाका प्रहरी निरीक्षक छत्रबहादुर रावतले जानकारी दिए।
दुर्घटनामा करिब ११ वर्षीया बालिकाको मृत्यु भएको छ भने दुई महिला बेपत्ता रहेका छन्। उनीहरूको खोजी कार्य जारी रहेको प्रहरीले जनाएको छ।
अटोमा चालकसहित पाँच जना सवार थिए। चालक मणिराज भुल र उनका छोरा आयुष भुल सकुशल छन्। तर आयुषको हात भाँचिएको छ।
होपरीगाडबाट गोकुलेश्वरतर्फ जाँदै गरेको अटो दुर्घटनामा परेपछि चालक मणिराजलाई नियन्त्रणमा लिएर थप अनुसन्धान भइरहेको प्रहरीले जनाएको छ।
