ताजा अपडेट
नेपाली कांग्रेसको पदाधिकारी बैठक काठमाडौंको बूढानीलकण्ठस्थित सभापति निवासमा सुरु भएको छ।
कांग्रेस सभापति शेरबहादुर देउवाका स्वकीय सचिव भानु देउवाका अनुसार बैठक शुक्रबार बिहान ९ बजेका लागि तय गरिएको थियो र केही समयअघि सुरु भएको हो।
बैठकमा पार्टीका पदाधिकारीहरू सहित पूर्व पदाधिकारीहरूको पनि सहभागिता रहेको छ। बैठकमा समसामयिक राजनीतिक विषय र पार्टीका आन्तरिक रणनीतिहरूमा छलफल हुने अपेक्षा गरिएको छ।
