ताजा अपडेट
धनुषा क्षेत्र नम्बर ३ प्रतिनिधि सभा सदस्यका उम्मेदवार परमेश्वर शाहले आरोप र भ्रम फैलाउनेहरूलाई कडा चुनौती दिएका छन्। उनले ठोकुवा गर्दै भने, “म राजनीतिमा इमानदारी लिएर आएको हुँ। आजसम्म कसैलाई छल, धोका वा झुट बोलेको छैन—र भविष्यमा पनि बोल्दिनँ।”
उनले धनुषा–३ मा केही शक्तिहरूले झुटको राजनीति गरेर जनता झुक्याउने प्रयास गरिरहेको आरोप लगाए। “जनतालाई मूर्ख ठान्ने पुरानो शैली अब चल्दैन। सत्य बोल्न डराउनेहरू नै आज इमानदारीमाथि प्रश्न उठाइरहेका छन्,” शाहले कडा शब्दमा भने।
मधेसको माटोसँग जोडिएको राजनीति आफूले गरेको दाबी गर्दै उनले थपे, “मेरो शक्ति पैसा, षड्यन्त्र वा हल्ला होइन—जनताको भरोसा हो। इमानदार राजनीतिले नै मधेसको भविष्य बनाउँछ।”
धनुषा–३ को चुनावी मैदानमा परमेश्वर शाहको यो आक्रामक अभिव्यक्तिले भ्रमको राजनीति गर्नेहरू असहज बनेका छन् भने समर्थकहरू यसलाई सत्यको लडाइँ का रूपमा हेरिरहेका छन्।
