ताजा अपडेट
काठमाडौँ। सिद्धार्थ बैंक लिमिटेडले नेपाल क्लियरिङ हाउस लिमिटेडसँगको सहकार्यमा सिद्धार्थ अनलाइन पेमेन्ट गेटवे सेवा सुरु गरेको छ। यो सेवाले बैंकमा खाता भएका व्यवसायी (मर्चेन्ट) हरूलाई नेपाल र विदेशमा रहेका ग्राहकबाट भिसा र मास्टर कार्डमार्फत सहजै अनलाइन भुक्तानी प्राप्त गर्ने सुविधा प्रदान गर्नेछ।
यो पेमेन्ट गेटवेले ई–कमर्स कारोबार गर्ने विद्यालय, अस्पताल, होटल, ट्राभल एजेन्सी, गैरसरकारी संस्था (एनजीओ) लगायतलाई स्वदेश र विदेशबाट अनलाइन भुक्तानी लिन सजिलो बनाउनेछ।
यो सेवाले भौतिक कार्ड प्रस्तुत गर्नुपर्ने झन्झट हटाएर भुक्तानी प्रक्रियालाई सरल बनाएको छ। साथै, आधुनिक प्रविधिको प्रयोगले अनलाइन भुक्तानीलाई छिटो, सुरक्षित र विश्वसनीय बनाउने छ।
सिद्धार्थ अनलाइन पेमेन्ट गेटवेको मुख्य लक्ष्य डिजिटल भुक्तानी प्रणालीलाई सरल, सुरक्षित र पहुँचयोग्य बनाउनुका साथै मर्चेन्टहरूलाई व्यापारिक अवसर विस्तारमा सहयोग पुर्याउनु हो।
